Во рамки на проектот „За подобра општествена засатпеност на жената Ромка“, во петок на 26 Ноември во салата на Совет на Општина Кочани се одржа втората, од планираните пет тркалезни маси. Воведничари на настанот беа Ахмет Јашаревски од Здружението „Дром“, Дилбера Камберовска од Здружението „Даја“ од Куманово и Џулиета Мемедова Референт за малцински прашања во ЕЛС Делчево.

Во рамки на проектот „Енергетските ресурси - Виза за зелена иднина“, како дел од кампањата за заштеда на необновливите енергетски ресурси и поголема искористеност на обновливите извори на енергија, нашето здружение распишува отворен конкурс за сите ученици од I-VIIIодд. од основните училишта на општините: Кратово, Ранковце, Старо Нагоричане, Пробиштип и Крива Паланка.

Конкурсот е под наслов „Да ја зачуваме енергијата во училиштата и домовите“ и ќе трае од 14 Ноември до 5 Декември 2011 година. Учениците можат да доставуваат трудови во вид на ликовна и/или литературна (поетска и прозна творба). Бројот на творби по ученик не е ограничен.

За трите прво рангирани труда во двете категории следуваат богати награди. Исто така ќе биде доделена и една прва награда за училиштето кое што најмногу ќе ги мотивира своите ученици.

Повеќе детали за ова и околу процедурата и начинот за доставување на трудовите можете да најдете во објавениот Конкурс.