Почитувани,

Чест ни е што можеме да ве известиме дека е отворен Повикот за учесници во циклус “Обуки за младински активизам”. Обуките ќе се реализираат во 12 градови во Република Македонија (Скопје, Кратово, Велес, Штип, Делчево, Куманово, Гевгелија, Тетово, Кичево, Дебар, Струга и Битола), во соработка со младинските МОФ центри, во периодот мај – јуни 2012 година. Школата за активно граѓанство ќе се организира за млади и претставници на граѓански организации или неформални групи, со цел да им обезбеди неопходно знаење и вештини за реализирање граѓански иницијативи. Школата е составена од два дела, кои ќе ги спроведуваат Младинскиот образовен форум (МОФ) и Форум-Центарот за стратегиско истражување и документација.

Mладинскиот клуб „Млади иницијативни кратовчани“ - МИК, кој функционира во рамки на проектот „Локални младински иницијативи-младите за отворено општество“, a финансиски e поддржан од МОФ, денес ја спроведе втората од предвидените две обуки на тема „Учиме право“. Членовите на клубот предводени од одговорниот соработник Христина Митровска, работеа на тема: Фази во процесот на креирање и подготовка на нови законски решенија од страна на извршната и законодавна власт.